چالاکییەکان
کارگە، بەرنامەی جێبەجێ، کەمپینی خوێندەواری یاسایی و دەستپێشخەرییەکانی پەرەسەندن لە سەرانسەری هەرێمی کوردستان.
- No matches
ئەنجامدانی کۆنفرانسی دادپەروەریی تاوانکاری و سەروەریی یاسا لە دامەزراوە چاکسازییەکان لە عێراق؛ ئاسۆ و ئاڵنگارییەکان
لە چوارچێوەی هەوڵە بەردەوامەکانی بۆ پشتیوانیکردن لە بنەماکانی دادپەروەری و بەهێزکردنی سەروەریی یاسا، ڕێکخراوی لێکۆڵەر بۆ پاڵپشتی سەروەری یاسا و دیموکراسی بەشدارییەکی کارا و بەرچاوی لە ڕێکخستن و بەڕێوەبردنی کۆنفرانسی «دادپەروەریی تاوانکاری و سەروەریی یاسا لە دامودەزگاکانی چاکسازی لە عێراق؛ ئاسۆ و ئاڵنگارییەکان» هەبوو. ئەم کۆنفرانسە بە هاوبەشی وەزارەتی دادی حکومەتی فیدراڵی عێراق و زانکۆی کۆیە، لە ڕۆژانی ٢١ و ٢٢ی ئایاری ٢٠٢٥ لە زانکۆی کۆیە بەڕێوەچوو. کۆنفرانسەکە بە ئامادەبوونی نوێنەرانی حکومەتی فیدراڵی عێراق و دامەزراوە فەرمییەکانی هەرێمی کوردستان، لەگەڵ ژمارەیەکی بەرچاو لە پسپۆڕانی یاسایی، دادوەران، مامۆستایانی زانکۆ، نوێنەرانی ڕێکخراوەکانی کۆمەڵگەی مەدەنی و کەسایەتییە پەیوەندیدارەکان لە بوارەکانی دادپەروەری و چاکسازی بەڕێوەچوو. ئەم بەشدارییە بەرفراوانە، گرنگی و هەستیاریی بابەتەکانی کۆنفرانسەکەی خستەڕوو. کۆنفرانسەکە تیشکی سەرەکیی خستە سەر پەرەپێدانی دادپەروەریی تاوانکاری و بەهێزکردنی سەروەریی یاسا لە دامەزراوە چاکسازییەکانی عێراق، بە مەبەستی دابینکردنی دادپەروەریی ڕاستەقینە، پاراستنی کەرامەتی مرۆڤ و باشترکردنی سیستەمی دادپەروەریی تاوانی. ڕێکخراوی لێکۆڵەر ڕۆڵێکی بەرچاوی لە سەرکەوتنی ئەم بۆنە نیشتمانییەدا گێڕا، بە تایبەتی لە ڕێگەی پلاندانان و ئامادەکاریی پێشوەخت و ئاڵوگۆڕی بیر و تێڕوانین لەگەڵ هاوبەشەکان لە ماوەی چەند مانگی ڕابردوودا. لە ناوەڕۆکی کۆنفرانسەکەدا، چەندین توێژینەوەی ئەکادیمی و یاسایی لەلایەن زانایان و مامۆستایانی بواری یاسا پێشکەش کران. دواتر، دانیشتنە گفتوگۆیی و پانێڵە تایبەتەکان بەڕێوەچوون و تیشکیان خستە سەر گرنگترین کێشە و ئاڵنگارییەکانی زیندانەکان و سیستەمی چاکسازی لە عێراق، هەروەها ڕێگاکانی پەرەپێدانی ئەم سیستەمە بەگوێرەی پێوەرە یاسایی و مرۆییە نێودەوڵەتییەکان. لە گفتوگۆکانی کۆنفرانسەکەدا، ژمارەیەک لە ئاڵنگارییە بنەڕەتی و پراکتیکییەکانی سیستەمی چاکسازی لە عێراق دەستنیشان کران، لەوانە: • کەموکوڕیی ژێرخان و ئامێر و پێداویستییەکانی دامەزراوە چاکسازییەکان؛ • پێویستی بە ڕاهێنان و پەرەپێدانی تواناکانی کادرەکانی بواری دادوەری و چاکسازی؛ • نەبوونی میکانیزمە کاریگەرەکان بۆ چاکسازی و ئامادەکردنی زیندانیان بۆ گەڕانەوە بۆ کۆمەڵگا دوای ئازادبوون. لە بەرامبەردا، کۆنفرانسەکە چەندین پێشنیار و هەنگاوی داهاتووی خستەڕوو کە دەتوانرێت وەک بنەمایەک بۆ پەرەپێدانی سیستەمی چاکسازی لە عێراق بەکاربهێنرێن، لە گرنگترینیان: • بەهێزکردنی هاوکاری و هاوبەشی لەنێوان دامەزراوە فەرمییەکان و ڕێکخراوەکانی کۆمەڵگەی مەدەنی؛ • جێبەجێکردنی میتۆد و ڕێکارەکانی چاکسازی لەسەر بنەمای ڕێزگرتن لە مافەکانی مرۆڤ؛ • دامەزراندنی چوارچێوەیەکی یاسایی و جێبەجێکاریی هاوبەش و یەکگرتوو بۆ سیستەمی چاکسازی لە سەرانسەری عێراق. کۆنفرانسەکە بە ئامادەبوونی ئاستێکی بەرزی بەرپرسانی فەرمی ڕەنگدانەوەیەکی گرنگی هەبوو، لەوانە د. بورهان مەزهەر قەیسی، جێگری وەزیری دادی حکومەتی فیدراڵی عێراق، و خاتوو شیلان عارف حەمە، جێگری وەزیری داد لە حکومەتی هەرێمی کوردستان، لەگەڵ ژمارەیەکی تر لە کەسایەتییە بەرچاوەکان. لە کۆتایی کۆنفرانسەکەدا، بۆ ڕێزلێنان و دەستخۆشی لە دامەزراوە و لایەنە پاڵپشت و هاوبەشەکان، بڕوانامە و درعی ڕێزلێنان پێشکەش کرا. لەو چوارچێوەیەدا، بەڕێز پێشەوا حوسامەدین، جێگری سەرۆکی ئەنجوومەنی بەڕێوەبردنی ڕێکخراوی لێکۆڵەر بۆ سەروەریی یاسا، درعی ڕێزلێنانی لە سەرۆکی زانکۆی کۆیە وەرگرت. سەرۆکی زانکۆی کۆیە سوپاس و پێزانینی تایبەتی خۆی بۆ بەشداریی کارا و هەوڵە بەنرخەکانی ڕێکخراو لە سەرکەوتنی ئەم کۆنفرانسە نیشتمانییە دەربڕی. ئەم کۆنفرانسە تەنها بۆنەیەکی ئەکادیمی و زانستی نەبوو، بەڵکو هەنگاوێکی پراکتیکی بوو بۆ تاوتوێکردن و پەرەپێدانی سیستەمی دادپەروەریی و چاکسازی لە عێراق. دەرئەنجام و پێشنیارەکانی کۆنفرانسەکە دەتوانن ببنە بنەمایەک بۆ هەنگاوەكانی داهاتوو لە بواری چاکسازیی یاسایی و بەهێزکردنی سەروەریی یاسا لە وڵاتدا.
نزیکبوونەوە لە قۆناغی کۆتایی بۆ پەسەندکردنی ستراتیژیی سەروەری یاسا لە عێراق و هەرێمی کوردستان
لە هەنگاوێکی گرنگ بەرەو جێگیرکردنی بنەماکانی سەروەری یاسا لە عێراق و هەرێمی کوردستان، پرۆسەی ئامادەکردن و پەسەندکردنی ستراتیژیی سەروەری یاسا گەیشتووەتە قۆناغەکانی کۆتایی. لە ڕێکەوتی ٢١ی ئایاری ٢٠٢٥، تیمی نیشتمانی عێراق لە دیوانی وەزارەتی داد لە بەغدا کۆبووەوە و دوای پێداچوونەوە بە ڕەشنووسی ستراتیژییەکە، بە ئامادەبوونی جێگری سەرۆکی تیمی نیشتمانی، هەنگاوی پێویست بۆ گەیشتن بە پەسەندكردنی دەقی ستراتیژییەکە جێبەجێكرا. لە هەمان چوارچێوەدا، لە ڕێکەوتی ٢٥ی ئایاری ٢٠٢٥، تیمی نیشتمانی هەرێمی کوردستان لە دیوانی وەزارەتی داد کۆبووەوە. کۆبوونەوەکە بە ئامادەبوونی بەڕێز فریشتە ئەحمەد، وەزیری داد لە حکومەتی هەرێمی کوردستان، و هەردوو جێگری سەرۆکی تیمی نیشتمانی، د. بورهان مەزهەر القیسی و خاتوو شیلان عارف، بریکاری وەزارەتی داد لە هەرێم و بەغدا، بەڕێوەچوو. لە کۆبوونەوەکەدا، وەزیری داد جەختی لە گرنگی ستراتیژیی سەروەری یاسا و ڕۆڵی لە بەهێزکردنی بنەماکانی دادپەروەری، لێپرسینەوە و سەروەری یاسا کرد. هەروەها، جەختی لەوە کردەوە کە گرنگتر لە ئامادەکردنی ستراتیژی، داڕشتن و جێبەجێکردنی پلانی کرداری بۆ بەدەستهێنانی ئامانج و بەندەکانی ستراتیژییەکەیە. لە چوارچێوەی ئەم پرۆسەیەدا، د. ئەحمەد محەمەد ئەمین میران، سەرۆکی ئەنجوومەنی بەڕێوەبردنی ڕێکخراوی لێکۆڵەر بۆ پاڵپشتی سەروەری یاسا و دیموکراسی (IOL) و ئەندامی تیمی نیشتمانی، بەشداریی کرد و واژووی لەسەر ڕەشنووسی ستراتیژیەتەکە کرد. شایەنی باسە، لە ڕێوڕەسمێکدا لە لایەن ئەندامانی تیمی نیشتمانی واژوو لەسەر کۆنووسی پەسەندکردنی ستراتیژیەتەکە کرا و بە ڕێگای بەڕێز جێگری یەکەمی سەرۆکی تیمی نیشتمانی نێردرا بۆ سەرۆکی تیم و ئەنجومەنی وەزیران بە مەبەستی پەسەندکردن وەکو قۆناغی كۆتایی. شایانی باسە ڕێکخراوی لێکۆڵەر زیاتر لە دوو ساڵ بەردەوام و بێوچان، بە هاوبەشی لەگەڵ ڕێکخراوی فریاگوزاری خەڵکی نەرویجی (NPA)، کاری لەسەر ئامادەکردنی ئەم ستراتیژییە کردووە. ئامانجی ئەم هەوڵە بەهێزکردن و جێگیرکردنی سەروەری یاسا لە ئاستی عێراق و هەرێمی کوردستان و دابینکردنی بنەماکانی دادپەروەری و یەکسانیە بۆ هەموو هاوڵاتیان.
بەهێزکردنی پێگەی ئافرەتان لە بوارەکانی سەرکردایەتی و بڕیاردان
لە چوارچێوەی هەوڵ و تێکۆشانەکان بۆ بەرەوپێشبردنی دۆخی ئافرەتان، ڕێکخراوی لێکۆڵەر بۆ پاڵپشتی سەروەری یاسا و دیموکراسی لە ماوەی سێ مانگی ڕابردوودا پڕۆژەیەکی ستراتیژی بە ناونیشانی «بەهێزکردنی پێگەی ئافرەتان لە بوارەکانی سەرکردایەتی و بڕیاردان» جێبەجێ کرد. پڕۆژەکە لە هەولێر و سلێمانی جێبەجێ کرا و چەندین خولی ڕاهێنانی لەخۆگرت، لەسەر بابەتە سەرەکییەکانی: • داکۆکیکردن لە پرسەکانی ئافرەتان • گەشەپێدانی تواناکانی ئافرەتان لە بواری گوتاری سیاسی • قووڵبوونەوە لە ناوەڕۆکی بڕیارنامەی ١٣٢٥ی نەتەوە یەکگرتووەکان سەبارەت بە ئافرەتان، ئاشتی و ئاسایش کۆمەڵێک ئافرەتی لێهاتوو و بوێر بەشداریی ئەم خولانەیان کرد و توانییان چەندین دەستپێشخەریی داهێنەرانە ئەنجام بدەن کە لە بیرۆکە و پێشنیاری خۆیانەوە سەرچاوەیان گرتبوو. لە گرنگترین ئەم دەستپێشخەرییانە: • بەکارهێنانی هونەر، لەوانە شانۆ و شێوەکاری، وەک ئامرازێک بۆ گەیاندنی دەنگی ئافرەتان • بەڕێوەبردنی سیمینارێکی تایبەت دەربارەی ڕێگا و شێوازەکانی بەرەنگاربوونەوەی توندوتیژی دژی ئافرەتان • شیکردنەوەی کاریگەریی میدیا لەسەر وێنە و پێگەی ئافرەت لە کۆمەڵگادا • ئەنجامدانی گفتوگۆی کراوە و ڕاپرسی دەربارەی دیاردەی هاوسەرگیریی پێشوەختە و دەرئەنجامە کارەساتبارەکانی • بەڕێوەبردنی پانێل و سیمینارێک بۆ خۆپاراستن لە گێچەڵی ئەلیکترۆنی لە دنیای دیجیتاڵدا • داکۆکیکردن لە هەمواری یاسای باری کەسی بۆ ڕێگرتن لە هاوسەرگیریی منداڵانی تەمەن ٩ ساڵ لە ڕۆژی جیهانیی ئافرەتان، ٨ی مارس، کۆنفرانسێکی گرنگ بە ئامادەبوونی ژمارەیەک لە لایەنە پەیوەندیدارەکان بەڕێوەچوو. ئەم کۆنفرانسە بووە پلاتفۆرمێک بۆ دەستكەوتنی کۆمەڵێک ڕاسپاردەی کرداری کە لەلایەن ئافرەتانەوە پێشنیار کرابوون، بۆ چارەسەرکردنی ئەو کێشانەی کە پێویستیان بە داڕشتنەوەی سیاسەت و پلانە نوێکان هەیە. ئەم هەوڵانە بەشێکن لە پڕۆژەی «ئافرەتان و ئاشتی» کە بە هاوبەشی لەگەڵ ڕێکخراوی ژنان بۆ ژنانی نێودەوڵەتی (WFWI) و بە پشتگیریی دارایی سندوقی پشتگیریی نێودەوڵەتیی بەریتانیا (UKISF) جێبەجێ دەکرێت.
ئەنجامدانی خولی ڕۆشنبیری یاسایی بۆ قوتابیانی ناوەندی خەباتی کچان
لە چوارچێوەی جێبەجێکردنی پرۆژەی «کەمکردنەوەی هاوسەرگیریی پێشوەختە»، ڕێکخراوی لێکۆڵەر بۆ پاڵپشتی سەروەری یاسا و دیموکراسی (IOL)، بە هاوبەشی لەگەڵ سندوقی نەتەوە یەکگرتووەکان بۆ دانیشتوان (UNFPA) و بە پاڵپشتی دارایی UK-Aid، لە ڕێکەوتی ٣٠ی کانونی دووەمی ٢٠٢٥، خولی ڕۆشنبیری یاسایی بۆ قوتابیانی ناوەندی خەباتی کچان بەڕێوەبرد، بە هەماهەنگی لەگەڵ وەزارەتی پەروەردە – بەڕێوەبەرایەتی گشتی پەروەردەی هەولێر. ئەم خولە بە مەبەستی بەرزکردنەوەی هۆشیاری یاسایی و کۆمەڵایەتیی قوتابیان سەبارەت بە مەترسییەکانی هاوسەرگیریی پێشوەختە ئەنجامدرا، و ئەم جۆرە چالاکییە لە ماوەی داهاتووشدا لە ژمارەیەکی زیاتر لە قوتابخانەکانی هەرێمی کوردستان بەردەوام دەبێت.
بەڕێوەبردنی خولی ڕاهێنانی دوو ڕۆژە بۆ ڕێنماییکارانی پەروەردەیی سەبارەت بە کەمکردنەوەی هاوسەرگیریی پێشوەختە
لە چوارچێوەی پرۆژەی «کەمکردنەوەی دیاردەی هاوسەرگیریی پێشوەختە»، لە ڕۆژانی ٢٦ و ٢٧ی شوباتی ٢٠٢٥، ڕێکخراوی لێکۆڵەر بۆ پاڵپشتی سەروەری یاسا و دیموکراسی (IOL)، بە هاوبەشی لەگەڵ سندوقی نەتەوە یەکگرتووەکان بۆ دانیشتوان (UNFPA) و بە پاڵپشتی دارایی حکومەتی بەریتانیا – بەشی پەرەپێدانی نێودەوڵەتی (UK-Aid)، خولێکی ڕاهێنانی دوو ڕۆژەی بۆ ڕێنماییکارانی پەروەردەیی بەڕێوەبرد، لە ژێر ناونیشانی «خولی هۆشیاری بۆ بەهێزکردنی زانیاریی یاسایی، کۆمەڵایەتی و دەروونیی ڕێنماییکارانی پەروەردەیی»، بە ئامانجی کەمکردنەوەی دیاردەی هاوسەرگیریی پێشوەختە. ڕێنماییکارانی پەروەردەیی ڕۆڵێکی گرنگ و ڕاستەوخۆیان لە هۆشیارکردنەوەی قوتابیانی قوتابخانەکان هەیە، بۆیە بەهێزکردنی تواناکانیان لە بوارە یاسایی، کۆمەڵایەتی و دەروونییەکان گرنگییەکی تایبەتی هەیە. خولەکە لەلایەن دوو ڕاهێنەری بەئەزموون، پەیرەو ئەنوەر و م. یوسف عوسمان، بۆ ماوەی دوو ڕۆژ بەڕێوەچوو و بابەتە پەیوەندیدارەکان تاوتوێ کران. لە کۆتایی خولەکەدا، بڕوانامەی بەشداری بەسەر هەموو بەشداربوواندا دابەش کرا.
بەڕێوەبردنی خولی ڕاهێنانی دوو ڕۆژە بۆ ڕێنماییکارانی پەروەردەیی سەبارەت بە کەمکردنەوەی هاوسەرگیریی پێشوەختە
لە چوارچێوەی پرۆژەی «کەمکردنەوەی دیاردەی هاوسەرگیریی پێشوەختە»، لە ڕۆژانی ١١ و ١٢ی شوباتی ٢٠٢٥، ڕێکخراوی لێکۆڵەر بۆ پاڵپشتی سەروەری یاسا و دیموکراسی (IOL)، بە هاوبەشی لەگەڵ سندوقی نەتەوە یەکگرتووەکان بۆ دانیشتوان (UNFPA) و بە پاڵپشتی دارایی حکومەتی بەریتانیا – بەشی پەرەپێدانی نێودەوڵەتی (UK-Aid)، خولێکی ڕاهێنانی دوو ڕۆژەی بۆ ڕێنماییکارانی پەروەردەیی بەڕێوەبرد، لە ژێر ناونیشانی «خولی هۆشیاری بۆ بەهێزکردنی زانیاریی یاسایی، کۆمەڵایەتی و دەروونیی ڕێنماییکارانی پەروەردەیی.» ئامانجی خولەکە بەهێزکردنی زانیاری و تواناکانی ڕێنماییکارانی پەروەردەیی بوو، بە مەبەستی بەشداریی کاریگەرتر لە هۆشیارکردنەوەی قوتابیان و کەمکردنەوەی دیاردەی هاوسەرگیریی پێشوەختە. ڕێنماییکارانی پەروەردەیی ڕۆڵێکی گرنگ و ڕاستەوخۆیان لە بواری هۆشیارکردنەوە و پاراستنی قوتابیان هەیە. خولەکە لەلایەن دوو ڕاهێنەری بەئەزموون، پەیرەو ئەنوەر و م. یوسف عوسمان، پێشکەش کرا و لە ماوەی دوو ڕۆژدا بابەتە یاسایی، کۆمەڵایەتی و دەروونییە پەیوەندیدارەکان تاوتوێ کران. لە کۆتایی خولەکەدا، بڕوانامەی بەشداری بەسەر هەموو بەشداربوواندا دابەش کرا.
خولێکی هۆشیاریی یاسایی بۆ قوتابیانی ئامادەیی نیگای کچان
لە چوارچێوەی جێبەجێکردنی پرۆژەی «کەمکردنەوەی هاوسەرگیریی پێشوەختە»، ڕێکخراوی لێکۆڵەر بۆ پاڵپشتی سەروەری یاسا و دیموکراسی (IOL)، بە هاوبەشی لەگەڵ سندوقی نەتەوە یەکگرتووەکان بۆ دانیشتوان (UNFPA) و بە پاڵپشتی دارایی (UK-Aid)، لە ڕێکەوتی ٠٣ی شوباتی ٢٠٢٥ خولێکی هۆشیاریی یاسایی بۆ قوتابیانی ئامادەیی نیگای کچان، بە هەماهەنگی لەگەڵ وەزارەتی پەروەردە – بەڕێوەبەرایەتی گشتی پەروەردەی هەولێر، ئەنجامدا. ئەم خولە بە مەبەستی بەرزکردنەوەی هۆشیاریی یاسایی قوتابیان لەسەر پرسە پەیوەندیدارەکان بە هاوسەرگیریی پێشوەختە بەڕێوەچوو، و ئەم جۆرە خولانە لە ماوەی داهاتوودا لە ژمارەیەکی زۆر لە قوتابخانەکانی هەرێمی کوردستان بەردەوام دەبن.
ڕێکخراوی لێکۆڵەر ڕاهێنانێکی دوو ڕۆژی لەسەر بڕیارنامەی ١٣٢٥ی نەتەوە یەکگرتووەکان بەڕێوە دەبات
ڕێکخراوی لێکۆڵەر بۆ سەروەری یاسا (IOL) ڕاهێنانێکی دوو ڕۆژی لەسەر بڕیارنامەی نەتەوە یەکگرتووەکان ژمارە ١٣٢٥ (ژن، ئاسایش و ئاشتی) بەڕێوەبرد. ڕاهێنانەکە لە ڕۆژانی ٣–٤ی شوباتی ٢٠٢٥ لە شاری هەولێر ئەنجامدرا و ٢٠ ژنی سیاسەتمەدار و چالاکوانی مەدەنیی تێدا بەشدارییان کرد. ئامانجی ڕاهێنانەکە ئاشناکردنی بەشداربووان بوو بە پلانە نیشتیمانییەکەی حکومەت لە بوارەکانی ژن، ئاسایش و ئاشتی، هەروەها بەهێزکردنی تواناکانیان بۆ داکۆکیکردن لە مافەکانی ئافرەتان. ئەم چالاکییە بەشێکە لە پڕۆژەی ژن و ئاشتی، بە هاوبەشی لەگەڵ ڕێکخراوی ژنان بۆ ژنانی نێودەوڵەت (WFWI) و بە پاڵپشتی دارایی سندوقی پشتگیری نێودەوڵەتی بەریتانیا (UKISF).
ئەنجامدانی خولی ڕۆشنبیری یاسایی بۆ قوتابیانی ئامادەیی هەولێری کچان
لە چوارچێوەی پرۆژەی «کەمکردنەوەی هاوسەرگیریی پێشوەختە»، ڕێکخراوی لێکۆڵەر بۆ پاڵپشتی سەروەری یاسا و دیموکراسی (IOL)، بە هاوبەشی لەگەڵ سندوقی نەتەوە یەکگرتووەکان بۆ دانیشتوان (UNFPA) و بە پاڵپشتی دارایی UK-Aid، لە ڕێکەوتی ٢ی شوباتی ٢٠٢٥ خولێکی ڕۆشنبیری یاسایی بۆ قوتابیانی قوتابخانەی ئامادەیی هەولێری کچان بەڕێوەبرد. ئەم خولە بە هەماهەنگی لەگەڵ وەزارەتی پەروەردە – بەڕێوەبەرایەتی گشتی پەروەردەی هەولێر ئەنجامدرا، و ئامانجی بەرزکردنەوەی هۆشیاری یاسایی و کۆمەڵایەتیی قوتابیان و ناساندنی مەترسییەکانی هاوسەرگیریی پێشوەختە بوو. ئەم خولە بەشێکە لە زنجیرە چالاکییەکانی ڕێکخراو بۆ کەمکردنەوەی دیاردەی هاوسەرگیریی پێشوەختە، و بڕیارە لە ماوەی داهاتوودا خولە هاوشێوەکان لە ژمارەیەکی زیاتر لە قوتابخانەکانی هەرێمی کوردستان بەردەوام بکرێن.
بەڕێوەبردنی ڕاهێنانێکی دوو ڕۆژە سەبارەت بە ئامادەکردنی گوتاری سیاسی کاریگەر بۆ ئافرەتان
ڕێکخراوی لێکۆڵەر بۆ پاڵپشتی سەروەری یاسا و دیموکراسی (IOL)، ڕاهێنانێکی دوو ڕۆژەی سەبارەت بە «ئامادەکردنی گوتاری سیاسی کاریگەر بۆ ئافرەتان» لە ڕۆژانی ٢٩ و ٣٠ی کانونی دووەمی ٢٠٢٥ لە شاری سلێمانی بەڕێوەبرد. ئەم ڕاهێنانە لە چوارچێوەی پرۆژەی “بەهێزکردنی ئافرەتان لە پۆستە سەرکردایەتییەکان و بڕیاردان ئەنجامدرا.“ ئەم ڕاهێنانە زانیاری و تێگەیشتنێکی قووڵی بۆ بەشداربووان پێشکەش کرد، بە ئامانجی بەهێزکردنی توانای چالاکوان و سیاسەتمەدارانی ئافرەت لە بوارەکانی ئامادەکردنی گوتار، تەکنیکەکانی گوتاردان، کۆنترۆڵکردنی دەنگ و زمانی جەستە لە کاتی گوتارداندا. ئەم هەنگاوانە بۆ بەهێزکردنی ڕۆڵ و کاریگەریی ئافرەتان لە ناوەندەکانی سەرکردایەتی و بڕیاردان گرنگن. ئەم چالاکییە بەشێکە لە پرۆژەی «ژنان و ئاشتی»، کە بە هاوبەشی لەگەڵ ڕێکخراوی ژنان بۆ ژنانی نێودەوڵەت (WFWI) و بە پاڵپشتی دارایی سندوقی پشتگیری نێودەوڵەتی بەریتانیا (UKISF) جێبەجێ کراوە.
ئەنجامدانی خولی ڕۆشنبیری یاسایی بۆ قوتابیانی ناوەندی نانەکەلی کچان
لە چوارچێوەی جێبەجێکردنی پرۆژەی «کەمکردنەوەی هاوسەرگیریی پێشوەختە»، ڕێکخراوی لێکۆڵەر بۆ پاڵپشتی سەروەری یاسا و دیموکراسی (IOL)، بە هاوبەشی لەگەڵ سندوقی نەتەوە یەکگرتووەکان بۆ دانیشتوان (UNFPA) و بە پاڵپشتی دارایی UK-Aid، لە ڕێکەوتی ٢٩ی کانونی دووەمی ٢٠٢٥، خولی ڕۆشنبیری یاسایی بۆ قوتابیانی ناوەندی نانەکەلی کچان بەڕێوەبرد، بە هەماهەنگی لەگەڵ وەزارەتی پەروەردە – بەڕێوەبەرایەتی گشتی پەروەردەی هەولێر. ئەم خولە بە مەبەستی بەرزکردنەوەی هۆشیاری یاسایی و کۆمەڵایەتیی قوتابیان سەبارەت بە مەترسییەکانی هاوسەرگیریی پێشوەختە ئەنجامدرا، و ئەم جۆرە چالاکییە لە ماوەی داهاتووشدا لە ژمارەیەکی زیاتر لە قوتابخانەکانی هەرێمی کوردستان بەردەوام دەبێت.
بەڕێوەبردنی خولی هۆشیاری بۆ بەهێزکردنی زانیاریی یاسایی، کۆمەڵایەتی و دەروونیی ڕێنماییکارانی پەروەردەیی
لە چوارچێوەی پرۆژەی کەمکردنەوەی دیاردەی هاوسەرگیریی پێشوەختە، لە ڕێکەوتی ٢٨ و ٢٩ی کانونی دووەمی ٢٠٢٥، ڕێکخراوی لێکۆڵەر بۆ پاڵپشتی سەروەری یاسا و دیموکراسی (IOL)، بە هاوبەشی لەگەڵ سندوقی نەتەوە یەکگرتووەکان بۆ دانیشتوان (UNFPA) و بە پاڵپشتی دارایی حکومەتی بەریتانیا – بەشی پەرەپێدانی نێودەوڵەتی (UK-Aid)، خولێکی ڕاهێنانی دوو ڕۆژەی بۆ ڕێنماییکارانی پەروەردەیی بەڕێوەبرد، لە ژێر ناونیشانی “خولی هۆشیاری بۆ بەهێزکردنی زانیاریی یاسایی، کۆمەڵایەتی و دەروونیی ڕێنماییکارانی پەروەردەیی.“ ئامانجی خولەکە بەهێزکردنی زانیاری و توانای ڕێنماییکارانی پەروەردەیی بوو، بە مەبەستی کەمکردنەوەی دیاردەی هاوسەرگیریی پێشوەختە. ڕێنماییکارانی پەروەردەیی ڕۆڵێکی گرنگ و ڕاستەوخۆیان لە هۆشیارکردنەوەی قوتابیانی قوتابخانەکان هەیە، بۆیە پەرەپێدانی تواناکانیان لەم بوارەدا گرنگییەکی تایبەتی هەیە. خولەکە لەلایەن دوو ڕاهێنەری بەئەزموون، پەیرەو ئەنوەر و م. یوسف عوسمان، بۆ ماوەی دوو ڕۆژ بەڕێوەبردرا و بابەتە پەیوەندیدارە یاسایی، کۆمەڵایەتی و دەروونییەکان تاوتوێ کران. لە کۆتایی خولەکەدا، بڕوانامەی بەشداری بەسەر هەموو بەشداربوواندا دابەش کرا.