لە چوارچێوەی پرۆژەی «کەمکردنەوەی هاوسەرگیریی پێشوەختە»، پانزەیەمین خولی ڕۆشنبیریی یاسایی بۆ قوتابیانی قوتابخانەی کۆلێژی ئامادەیی کچان لە شاری سلێمانی ئەنجامدرا. ئەم خولە لەلایەن ڕێکخراوی لێکۆڵەر بۆ پاڵپشتی سەروەری یاسا و دیموکراسی (IOL)، بە هاوبەشی لەگەڵ سندوقی نەتەوە یەکگرتووەکان بۆ دانیشتوان (UNFPA) و بە پاڵپشتی دارایی UK Aid، بە هەماهەنگی لەگەڵ وەزارەتی پەروەردە – بەڕێوەبەرایەتی گشتی پەروەردەی سلێمانی بەڕێوەچوو.
لە ناوەڕۆکی خولەکەدا، گرنگترین بابەتە یاسایی و کۆمەڵایەتییە پەیوەندیدارەکان بە هاوسەرگیریی پێشوەختە خرانەڕوو و گفتوگۆ لەسەر گرنگی هۆشیاریی یاسایی و تێگەیشتنی دروستی قوتابیان لە لایەنە جۆراوجۆرەکانی ئەم پرسە کرا.
ئەم چالاکییەش بەشێکە لە زنجیرەی خول و چالاکییە هۆشیارییەکانی پرۆژەکە کە بە ئامانجی بەرزکردنەوەی هۆشیاریی یاسایی و پەرەپێدانی تێگەیشتنی قوتابیان لە بابەتە پەیوەندیدارەکان بە هاوسەرگیریی پێشوەختە لە قوتابخانەکانی هەرێمی کوردستان بەردەوام دەبن.