لە ١٤ی کانوونی یەکەمی ٢٠٢٣، شاندێکی ڕێکخراوی لێکۆڵەر بۆ پاڵپشتی سەروەری یاسا و دیموکراسی (IOL)، پێکهاتبوو لە بەڕێز پیشەوا حسامەدین، جێگری سەرۆکی ئەنجوومەنی بەڕێوەبردنی ڕێکخراو، و بەڕێز ئاودێر ئەنوەر، بەرپرسی پەیوەندییەکان، سەردانی بەڕێز د. هێمن میرانی، بەڕێوەبەری گشتی دیوانی وەزارەتی ناوخۆ،یان کرد.
لە دیدارەکەدا، ڕۆڵی ڕێکخراوەکان و دامەزراوەکان و گرنگی هاوکاری و هەماهەنگییان بۆ بەهێزکردن و پەرەپێدانی بنەماکانی سەروەری یاسا گفتوگۆی لەبارەوە کرا.
هەردوو لایەن جەختیان لە گرنگی بەردەوامبوونی گفتوگۆ و هاوکاری نێوان دامەزراوە پەیوەندیدارەکان و ڕێکخراوەکان کردەوە، بە مەبەستی پشتگیریکردن لە هەوڵەکان بۆ زیاتر بەهێزکردنی سەروەری یاسا.