دابینکردنی خزمەتگوزاریی یاسایی بۆ قوربانییانی توندوتیژی لە کەرتی تایبەت

ڕێکخراوی لێکۆڵەر بۆ سەروەری یاسا (IOL) بە هاوبەشی لەگەڵ سندووقی نەتەوە یەکگرتووەکان بۆ دانیشتوان (UNFPA) و بە پشتگیری دارایی لە بەشی گەشەپێدانی نێودەوڵەتی حکومەتی بەریتانیا (UK AID). بە ئەنجامدانی شەش سیمینار سەبارەت بە ڕێگریکردن لە گێچەڵی سێکسی لە کەرتی تایبەت، بۆ خوێندکارانی قۆناغی کۆتایی زانکۆ و کۆلێژەکان (کۆلێژی کارگێڕی و ئابووری – کۆلێژی ئاداب، بەشی کار و گەشەپێدانی کۆمەڵایەتی – پەیمانگای تەکنیکی کارگێڕی هەولێر بە هەموو بەشەکانییەوە – زانکۆی نێودەوڵەتی هەولێر). سیمینارەکە لەلایەن پارێزەری بەتوانا (تاڤگە ڕەئوف عەزیز)ەوە پێشکەش کرا.

ئامانجی سیمینارەکان ئەوەیە کە خوێندکارانی قۆناغی کۆتایی هۆشیار بکرێنەوە سەبارەت بە گێچەڵ و دەستدرێژیی سێکسی لە شوێنی کاردا، و زیاتر لە ٥٠٠ خوێندکاری قۆناغی کۆتایی زانکۆ و کۆلێژەکان بەشدارییان لە گفتوگۆی تایبەت بە لێکەوتەکان و چۆنیەتی ڕێگریکردن لە گێچەڵی سێکسی لە کەرتی تایبەتدا کرد.