لە ٢٥ی حوزەیرانی ٢٠٢٥، وەک بەشێک لە پڕۆژەی "دیالۆگی ناوخۆیی و نێوان ئایینەکان لە هەرێمی کوردستان/عێراق"، ڕێکخراوی لێکۆڵەر بۆ سەروەریی یاسا (IOL) بە هەماهەنگی لەگەڵ MEMECS و بە پاڵپشتی سەنتەری نێودەوڵەتی کایسید (KAICIID) بۆ دیالۆگ، یەکەمین وۆرکشۆپی لەژێر ئەم ناونیشانەدا ڕێکخست:
"بەهێزکردنی گەنجان بۆ خۆڕاگریی کۆمەڵایەتی: بنیاتنانی کۆمەڵگەیەکی تەبا لە هەرێمی کوردستان لە ڕێگەی دیالۆگی نێوان ئایینەکان و وەڵامدانەوەی قەیرانەکان."
وۆرکشۆپەکە لە شاری هەولێر بەڕێوەچوو، بە بەشداری کۆمەڵێک گەنج لە پێکهاتە ئایینی و نەتەوەییە جیاوازەکان.
لە وۆرکشۆپەکەدا تاوتوێی گرنگیی دیالۆگی نێوان ئایینەکان و لێکتێگەیشتنی نێوان کەلتوورە جیاوازەکان کرا، وەک ئامرازێکی سەرەکی بۆ بەهێزکردنی تەبایی کۆمەڵایەتی و ڕووبەڕووبوونەوەی قەیرانەکان بە دانایی و هۆشیارییەوە.
هەروەها وۆرکشۆپەکە وەک فەزایەک بوو بۆ بیرکردنەوەی ڕەخنەگرانە و کارکردنی بەکۆمەڵ، بە ئامانجی بەهێزکردنی تواناکانی گەنجان و پێگەیاندنیان بۆ ئەوەی ببنە بکەرێکی کارای گۆڕانکاری لە ناو کۆمەڵگە فرە ئایین و فرە کەلتوورەکاندا.
ئەم وۆرکشۆپە پلاتفۆرمێکی ڕاستەقینە بوو بۆ گوێگرتن، پەیوەندیکردن، و بنیاتنانی تۆڕێکی بەردەوام لەو گەنجانەی کە پابەندن بە ئاشتی، سەرکردایەتی گشتگیر، و ڕۆحیەتی هاوپشتی و دەستپێشخەری.
